Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Niko og félegar eiga annan úrslitaleik um komandi helgi 22. mars 2007 - SÁ skrifar  Annar úrslitaleikur um komandi helgi Eins og fram hefur komið á síðunni er næsti leikur Akureyrar sjónvarpsleikur gegn Haukum næstkomandi laugardag klukkan 16:15. Ljóst er að um algjöran hörkuleik er að ræða en þessi leikur getur hreinlega ráðið hvort liðin verða áfram í fallbaráttu eða komi sér aðeins frá botninum. Akureyri vann sinn fyrsta leik eftir áramót um helgina gegn ÍR eftir að hafa tapað fyrstu fjórum. Baráttan og stemmningin er komin aftur í okkar lið og er það mikið fagnaðarefni. Akureyri er í 5. sæti með 14 stig eða fjórum stigum á undan Fylki sem er með 10 í 7. sæti sem er fallsæti. Haukar eru mitt á milli með 12 stig og því um gríðarlegan slag að ræða. Það er einfaldlega allt undir og þessi leikur jafnvel mikilvægari en leikur Akureyrar gegn ÍR fyrr í vetur. Liðin hafa tvívegis mæst áður í vetur og gert jafntefli í bæði skiptin. Í fyrri leiknum gerðu liðin 34-34 jafntefli á Ásvöllum eftir að hafa verið meðal annars sex mörkum undir í síðari hálfleik. Þá sýndi liðið mikinn karakter sem það hefur sýnt oft í vetur. Í síðari leiknum hér á Akureyri urðu lokatölur 27-27 en í þeim leik var Akureyri ekki að leika sinn besta bolta og átti að sigra. Haukaliðið er eins og áður kom fram í sömu stöðu og Akureyri, þeir verða að vinna til að bæta stöðu sína í baráttunni um að halda sæti sínu í deildinni. Eins og Akureyri hefur þeim alls ekki gegnið vel eftir áramót en þeir hafa einungis náð í eitt stig í þeim fimm leikjum eftir hlé en það var jafnteflisleikur gegn Val. Tveir Akureyringar leika með Haukum, þeir Árni Sigtryggsson og Samúel Árnason en báðir eru fyrrum leikmenn Þórs. Það er í raun nákvæmlega sama staða og fyrir leikinn gegn ÍR um seinustu helgi og finnst mér eiginlega til einskis að fara eitthvað nánar í lið Hauka og hvað þá hvort leikmenn Akureyrar séu heilir eða ekki. Á þessum tímapunkti snýst þetta ekki um hverjir spila leikina heldur hvað þeir sjö leikmenn sem eru inná vellinum hverju sinni gera. Munu menn mæta tilbúnir og leggja allt að veði fyrir félag sitt og málstaðinn? Þeirri spurningu svara leikmenn liðanna í beinni útsendingu á Rúv næstkomandi laugardag klukkan 16:15. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson