Hvað gerir sá Gamli á morgun?
| | 23. mars 2007 - SÁ skrifar
Hvað segja þeir um leikinn á morgun?Heimasíðan spurði nokkra leikmenn Akureyrar hvernig þeir sæju leikinn við Hauka fyrir sér. Haukar og Akureyri mætast sem kunnugt er í beinni útsendingu á Rúv klukkan 16:15 á morgun og hvetur heimasíðan fólk til að horfa á leikinn.
Þorvaldur Þorvaldsson: Haukar eru í svipuðum sporum og við, neðarlega á töflunni. Þeir þurfa að sigra og við þurfum að sigra. Við erum búnir að spila við þá tvisvar í vetur og jafntefli í bæði skiptin og það er kominn tími til að vinna þá.
Andri Snær Stefánsson: Við þurftum að sýna það að við getum unnið líka á útivelli, það er orðið langt síðan við unnum síðast. Við verðum bara að mæta einbeittir í þennan leik eins og ef við spilum Haukaleikinn eins og við gerðum á móti ÍR hef ég engar áhyggjur af þessu.
Aigars Lazdins: Við höfum spilað tvisvar gegn þeim í vetur og gert tvö jafntefli. Ég held að við getum unnið en auðvitað eru Haukar að hugsa líka um að sigra. Þetta er mjög stór leikur, liðið sem vinnur getur reynt að komast í topp 4 en liðið sem tapar er komið í enn meiri fallbaráttu.
Haukar - Akureyri, klukkan 16:15 laugardaginn 24. mars á Ásvöllum og í beinni á Rúv. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu