Halldór Jóhann og félagar fara upp í bestu deild heims

Fréttir

Þú flettir milli frétta með örvalyklunum eða smellir á bláu örvarnar!


Halldór gerði 2 mörk í leiknum um helgina		21. maí 2007 - ÁS skrifar Halldór Jóhann og félagar fara upp í bestu deild heims Halldór Jóhann Sigfússon og liðsfélagar hans í Tusem Essen tryggðu sér efsta sætið í 2. deild Suður eftir að liðið gerði jafntefli við Bayer Dormagen á heimavelli Essen, 21-21. Fyrri leik liðanna í vetur endaði einnig með jafntefli en þá var staðan 28-28 og er Essen fyrir ofan vegna þess að liðið skoraði fleiri mörk á útivelli. Halldór spilaði vel með Essen í leiknum, setti 2 mörk og átti nokkrar stoðsendingar. Leikurinn var æsispennandi allan tímann enda mikið í húfi fyrir liðið sem sigraði. Hálfleikstölur voru 10-12 fyrir Dormagen. Í síðari hálfleik skiptust liðin á um að leiða leikinn, en þegar um 20 sekúndur voru eftir af leiknum leiddi Essen 21-20 og var því með sætið í Bundesligunni tryggt. Troðfullt var á heimavelli Essen, Am Hallo, áhorfendur voru 3300 og hylltu leikmenn vel að leik loknum. Fagnaðarlætin voru gríðarleg enda liðið komið aftur á meðal þeirra bestu. Heimasíðan óskar Dóra og félögum til hamingju með að vera komið í bestu deild í heimi.
Fletta milli frétta	Til baka Senda á Facebook