FH-ingar sigruðu á Kaffi Akureyrar mótinu

Akureyri 1

Akureyr1 2

Lið FH sigraði í Kaffi Akureyrar mótinu, sem lauk síðdegis í gær. FH-ingar fengu 5 stig, eins og Akureyri 1, en markatala Hafnfirðinganna var hagstæðari og þeir fögnuðu því sigri.

FH og Akureyri 1 sigruðu bæði lið hitt Akureyrarliðið og ÍR, en þegar upp var staðið var það okkar mönnum í liði 1 dýrkeypt að láta Aron Pálmarsson jafna viðureign liðanna, 27:27, með marki beint úr aukakasti eftir að leiktíminn var útrunninn.

Akureyri 1 og Akureyri 2 mættust í fyrsta leik mótsins á föstudaginn og hafði eldra liðið mikla yfirburði, vann 37:15. FH-ingar sigruðu þá ÍR-inga.

Í fyrsta leik laugardagsins mættust Akureyri 1 og FH og var þar um jafnan leik að ræða. Okkar menn voru oftast yfir en þegar langt var liðið á leikinn komust FH-ingar þrisvar einu marki yfir. En í lokin höfðu heimamenn leikinn í hendi sér, en gestirnir jöfnuðu beint úr aukakasti eftir leikinn. Það var klaufalegt hjá varnarmönnum og markverði okkar - og skipti sköpum þegar upp var staðið.

Í síðustu umferð mótsins burstuðu FH-ingar svo yngra Akureyrar með 19 marka mun. Strákarnir okkar stóðu sig reyndar bærilega framan af og þegar 20 mínútur voru eftir af leiknum var munurinn aðeins 2 mörk, en þá settu FH-ingarnir alla sína sterkustu menn inná aftur, sóknarleikur strákanna varð ráðvilltur gegn sterkum varnarleik og gestirnir úr Hafnarfirði kaffærðu þá með hraðaupphlaupum. Sá mikli munur koma FH-ingum til góða þegar lagt var saman í lokin vegna þess að Akureyrarlið 1 sigraði ÍR aðeins með einu marki.

Úrslit leikja í karlakeppninni:

Akureyri 1 - Akureyri 2	37:15
FH - ÍR	32:26
Akureyri 1 - FH	27:27
ÍR - Akureyri 2	32:27
FH - Akureyri 2	37:18
Akureyri 1 - ÍR	25:24

Lokastaðan:

Fletta milli frétta

Til baka

Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson