Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Jonni í síðasta leik gegn Fram 27. september 2007 - Akureyri Handboltafélag skrifar Jonni mærður í Fréttablaðinu Akureyringar gleðjast gríðarlega yfir því að Jónatan Magnússon skuli vera farinn að spila handbolta á nýjan leik eftir erfið meiðsli og hann á eftir að styrkja liðið í vetur. Farið var lofsamlegum orðum um Jonna í Fréttablaðinu í vikunni, eftir leikinn gegn Fram. Fréttablaðið segir: Jónatan Magnússon er byrjaður að spila handbolta aftur eftir erfiða tíma undanfarið. Þessi mikli leiðtogi er liði Akureyrar í N1-deildinni í handbolta gríðarlegur styrkur en hann ber af sér mikla leiðtogahæfileika og er karakter hans til fyrirmyndar. Jónatan klappaði bæði sína menn og áhorfendur áfram allan leikinn í fyrsta heimaleik sínum á Akureyri í mörg ár en hann lék á árum áður með KA. Máltækið segir að þolinmæðin sé dyggð og það á svo sannarlega við Jónatan sem hefur lagt mikið á sig til að snúa aftur. "Það gekk framar vonum að koma mér í lágmarksstand líkamlega. Ég er kannski, eins og sást núna, ekki í það góðu standi til að styrkja liðið mikið en þetta er að koma," sagði Jónatan hógværðin uppmáluð en hann átti fínan leik gegn Fram á laugardaginn þar sem hann skoraði þrjú mörk úr þremur skotum. Jónatan gat ekki æft handbolta í níu mánuði og er að vonum ánægður með að vera byrjaður aftur. "Ég er ekki búinn að spila handbolta lengi þannig að ég er bara eins og kálfarnir á vorin. Ég er mættur í þetta aftur og þá reynir maður að leggja sig fram þrátt fyrir að líkamlegt ástand sé ekki upp á sitt besta," sagði Jonni Magg, eins og hann er iðulega kallaður norðan heiða. Akureyringar unnu Aftureldingu en töpuðu svo fyrir Fram. Jónatan er bjartsýnn á framhaldið í deildinni. "Framhaldið ætti að vera bjart. Við vorum bara andlausir í dag en það ætti að vera auðvelt að laga það. Við virkuðum ekki sem heild," sagði Jónatan að lokum. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson