Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Nú er bara að einbeita sér að deildinni 4. mars 2008 - Akureyri handboltafélag skrifar Bikardraumurinn úti í ár - tap fyrir HK Draumur Akureyrar Handboltafélags um bikarmeistaratitil á árinu varð að engu á sunnudaginn. 2. flokkur karla lék þá til úrslita við HK í Laugardalshöllinni. Strákarnir byrjuðu vel, leiddu 3-1 og síðan 4-2 þannig að útlitið var vissulega gott í upphafi leiks. Þá tók við slæmur kafli, tvívegis dæmd lína, ruðningur auk þess sem markvörður HK varði eins og berserkur þannig að skyndilega hafði HK náð fjögurra marka forystu 5-9 sem aldrei tókst að brúa. Það sem eftir lifði fyrri hálfleiks virtist HK hafa leikinn í hendi sér og náðu þeir mest sex marka forystu 10-16 en okkar strákum tókst þó að minnka muninn lítillega fyrir leikhlé þannig að í hálfleik var staðan 13-17 HK í vil. HK jók forystuna strax í upphafi síðari hálfleiks aftur upp í sex mörk en smávon kviknaði eftir tíu mínútna leik þegar munurinn var aftur kominn niður í fjögur mörk og tveim HK mönnum vísað af leikvelli. Strákunum tókst þó ekki að nýta liðsmuninn og skoruðu ekki mark þrátt fyrir sex tilraunir. Þegar þrjár og hálf mínúta var eftir minnkaði Gústaf Líndal muninn niður í tvö mörk 25-27 og smávon kviknaði en HK gaf engin færi á sér og stóðst áhlaupið í lokin þannig að þeir fóru með sigur af hólmi 30-32 og hampa því bikarnum þetta árið. Það gekk mikið á á síðustu mínútu leiksins og alls 5 mörk skoruð á lokamínútunni. Svo mikill var atgangurinn að við misstum af því hverjir skoruðu síðustu tvö mörk Akureyrar. Leiknum var lýst á síðunni og er hægt að skoða gang leiksins hér. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson