Þórsteina og Anna röðuðu inn mörkum gegn Haukum
| | 14. mars 2008 - Akureyri handboltafélag skrifarNaumt tap hjá kvennaliðinu gegn HaukumKvennalið Akureyrar lék í gær við Hauka í N1 deildinni í handbolta. Í síðustu leikjum hefur liðinu ekki gengið sem skyldi og liðið tapað stórt. Það má því kannski segja að það hafi þurft bjarstýni til að vonast eftir hagstæðum úrslitum gegn Haukunum. Eftir fyrri hálfleik höfðu Haukar fimm marka forystu, 11-16 sem segja má að hafi verið nokkuð eftir bókinni.
Framan af seinni hálfleik gekk Akureyrarstelpum frekar erfiðlega og jókst forysta Haukanna jafnt og þétt og náðu þær tíu marka forystu um miðjan hálfleik og útlitið verulega dökkt. Þá kom einn besti leikkafli sem liðið hefur sýnt í vetur og með hörku góðri vörn og fínum sóknarleik náðu þær að minnka muninn niður í tvö mörk þegar um það bil mínúta voru til leiksloka. Haukarnir klúðruðu næstu sókn og stelpurnar geystust fram og fengu upplagt tækifæri til að minnka muninn í eitt mark en markvörður Hauka náði að verja úr dauðafæri. Haukarnir geystust fram og náðu að skora síðasta mark leiksins og knúðu þar með fram þriggja marka sigur.
Stelpurnar eiga hrós skilið fyrir að stíga upp í seinni hluta leiksins og vinna sig inn í leikinn eftir erfiða stöðu. Ekki skorti mikið upp á að ná stigi á lokamínútunum en ef ekki hefði komið til hæpin brottvísun Jóhönnu undir lokin svo og misnotað vítakast eftir að Þórsteina hafði verið þrælörugg á vítalínunni hefði fyrsta stigið hugsanlega verið í höfn.
Mörk Akureyrar skoruðu: Þórsteina 9, Anna Teresa 8, Inga Dís og Auður 3 hvor, Kara 2 og Ester, Lilja Sif, Arna og Jóhanna 1 mark hver.
Í markinu varði Emelía 8 skot og Lovísa 6. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu