Nýtt á síðunni - aðgengi að erlendum handboltafréttum

Fréttir

Þú flettir milli frétta með örvalyklunum eða smellir á bláu örvarnar!


Nú er bara að rifja upp þýsku- og dönskukunnáttuna!		25. september 2008 - Akureyri handboltafélag skrifar Nýtt á síðunni - aðgengi að erlendum handboltafréttum Í dag opnuðum við aðgang að tveim erlendum fréttaveitum um handbolta hér á síðunni. Hér er um að ræða fréttir frá handball-world.com á þýsku en það er tvímælalaust einhver albesta fréttastofan um handbolta á alþjóðavísu. Þjóðverjarnir eru duglegir að setja inn fréttir og til marks um það komu 34 nýjar fréttir inn hjá þeim í gær (24. september). Vinstra megin á síðunni birtast alltaf nýjustu sex fyrirsagnirnar og er nægilegt að smella á viðkomandi fyrirsögn til að fá upp alla fréttina. Sömuleiðis birtum við nýjustu fréttafyrirsagnir dönsku handboltavefsíðunnar haandball.com en þar er einnig urmull frétta. Yfirlitið okkar sýnir klukkan hvað viðkomandi frétt var birt (að dönskum tíma) en alls komu 17 nýjar fréttir inn í gær. Annað nýtt sem er vert að benda á er að þegar valinn hefur verið leikmaður á leikmannasíðunni er nú hægt að velja fyrri leiktímabil frá því að Akureyri handboltafélag höf göngu sína og skoða tölfræði leikmannsins á viðkomandi tímabili. Sjá t.d. Hörð Fannar Sigþórsson Einnig hefur fjölgað nokkuð myndum undir valkostinum Myndir hér efst á síðunni.
Fletta milli frétta	Til baka Senda á Facebook