2. flokkur: Heimaleikur gegn Haukum á laugardaginn

Fréttir

Þú flettir milli frétta með örvalyklunum eða smellir á bláu örvarnar!


Strákarnir ætla örugglega að halda áfram á sigurbrautinni		8. janúar 2009 - Akureyri handboltafélag skrifar 2. flokkur: Heimaleikur gegn Haukum á laugardaginn Það verður 2. flokkur karla sem leikur fyrsta leik Akureyrar á árinu 2009. Á laugardaginn klukkan 14:00 taka strákarnir á móti Haukum og verður leikið í Íþróttahöllinni. Það er viðbúið að þetta verði hörkuleikur og ástæða til að hvetja áhugamenn um handbolta í bænum til að fjölmenna á leikinn enda langt um liðið síðan menn hafa komist á leik. Lið Akureyrar er á toppi deildarinnar með fullt hús stiga, 18 stig eftir níu leiki en Haukar hafa 8 stig, sömuleiðis eftir níu leiki. Liðin mættust á heimavelli Hauka í lok október og þar sigraði Akureyri 26-29 eftir hörkuleik og alveg ljóst að Akureyrarstrákarnir mega ekkert slaka á ef þeir ætla að halda toppsætinu. Oddur Gretarsson verður ekki með í leiknum þar sem hann er í Frakklandi þessa dagana með 2012 landsliðinu en að öðru leiti ætti Akureyri að geta stillt upp sínu besta liði í leiknum sem hefst eins og áður segir klukkan 14:00 á laugardaginn.
Fletta milli frétta	Til baka Senda á Facebook