Oddur Gretarsson útnefndur efnilegastur á árinu 2008

Fréttir

Þú flettir milli frétta með örvalyklunum eða smellir á bláu örvarnar!


Oddur ánægður með bikarinn í gær		16. janúar 2009 - Akureyri handboltafélag skrifar Oddur Gretarsson útnefndur efnilegastur á árinu 2008 Þjálfarar og stjórn Akureyrar Handboltafélags tilkynntu í gærkvöldi hver hefði verið valinn efnilegasti leikmaður liðsins fyrir árið 2008. Það kom fáum á óvart að viðurkenningin hlotnaðist Oddi Gretarssyni sem hefur sýnt snilldartilþrif með bæði meistaraflokki og 2. flokki á liðnu ári. Oddi var veitt viðurkenningin eftir æfingu 2. flokks í gærkvöldi en Oddur er einmitt nýkominn heim eftir góða ferð til Frakklands með 2012 landsliði Íslands. Auk þess lék Oddur með U-17 og U-19 landsliðunum á árinu og er því vel að titlinum kominn. Þá ber þess að geta að Oddur var valinn besti vinstri hornamaður fyrstu sjö umferða N1-deildarinnar nú í haust en þó að Oddur sé vanastur vinstra horninu hefur hann leyst stöðu hægri hornamanns með glæsibrag í haust. Það var Gestur Einarsson, varaformaður AHF sem afhenti Oddi verðlaunabikarinn. Við óskum Oddi til hamingju með útnefninguna og vonum að hún verði hvatning til enn frekari afreka í framtíðinni.
Fletta milli frétta	Til baka Senda á Facebook