Arna og stelpurnar fá verðugt verkefni gegn FH
| | 11. febrúar 2009 - Akureyri handboltafélag skrifarStórleikur í kvennaboltanum á laugardaginnKlukkan 16:00 á laugardaginn leikur KA/Þór í meistaraflokki kvenna gegn FH í 4-liða úrslitum Eimskipsbikarsins.
Þetta er tvímælalaust stærsti leikur tímabilsins í kvennahandboltanum og verður leikið í KA heimilinu. Það kostar ekkert á leikinn og því ástæða til að hvetja alla til að koma og styðja stelpurnar sem hafa tekið gríðarlegum framförum í vetur. Skemmst er að minnast þess að á leið sinni í bikarkeppninni sigruðu þær úrvalsdeildarlið Gróttu 22-21 í hörkuleik.
KA/Þór leikur í 2. deild og hafa leikið fimm leiki það sem af er, sigrað fjóra og tapað einum leik.
Stelpurnar hafa stutt dyggilega við karlalið Akureyrar og því finnst okkur ástæða til að hvetja alla til að taka laugardaginn frá og styðja stelpurnar kröftuglega eins og þær eiga svo sannarlega skilið.
Ef þú smellir á auglýsinguna hér að ofan færðu stærri mynd sem er upplagt að prenta út og hengja upp á vinnustaðnum, skólanum eða hvar sem er.
Sigrinum á Gróttu fagnað
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu