2. flokkur: Bikarslagur á morgun gegn Selfyssingum

Fréttir

Þú flettir milli frétta með örvalyklunum eða smellir á bláu örvarnar!


Nú þurfa strákarnir að sýna hvort þeir eru menn eða mýs		16. febrúar 2009 - Akureyri handboltafélag skrifar 2. flokkur: Bikarslagur á morgun gegn Selfyssingum Á morgun, þriðjudag er komið að alvöruleik hjá strákunum í 2. flokki en þá taka þeir á móti Selfyssingum í 4-liða úrslitum bikarkeppninnar. Ef Akureyrarstrákar fara með sigur af hólmi í leiknum mæta þeir HK í úrslitaleik bikarsins en þessi sömu lið léku einmitt til úrslita fyrir ári síðan og því tækifæri til að hefna fyrir úrslitin þá. En fyrst þarf að klára leikinn á morgun og ljóst að strákarnir verða að mæta einbeittir til leiks enda Selfyssingar með geysilega öflugt lið sem hefur verið að klifra upp deildina í síðustu leikjum eftir brösótta byrjun en nú situr lið þeirra í 3. sætinu á eftir Akureyri og FH. Leikurinn verður í íþróttahúsi Síðuskóla og hefst klukkan 17:30. Akureyrarliðið hefur fundið sig ákaflega vel á fjölum Síðuskólahússins og ekki tapað þar leik og nú heitum við á alla leggja sitt af mörkum til að sú sigurganga haldi áfram.
Fletta milli frétta	Til baka Senda á Facebook