Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Guðlaugur Arnarson teygir á fyrstu æfingunni með Akureyri Handboltafélagi

3. ágúst 2009 - Akureyri handboltafélag skrifar

Æfingatímabilið formlega hafið

Fyrsta æfing leikmanna Akureyrar Handboltafélags eftir sumarfrí fór fram í kvöld. Að þessu sinni fengu strákarnir að spreyta sig á nýju hlaupabrautinni við Hamar þar sem Rúnar lét þá finna til tevatnsins til að kanna ástandið á mannskapnum.

Næstu daga verður haldið áfram að hlaupa en jafnframt hefjast boltaæfingar. Það var létt yfir strákunum í lok æfingar enda alltaf spennandi að byrja nýtt tímabil. Menn kváðust hafa æft mismikið í fríinu en reyndar hafði töluverður hluti hópsins tekið þátt í landsmóti ungmennafélaganna nú í júlí. Þannig léku strákarnir úr 2. flokki undir merki ÍBA í handbolta og unnu þar til silfurverðlauna og töluverður hluti hinna eldri skipaði knattspyrnulið Fjölnis sem sömuleiðis hreppti silfurverðlaun í knattspyrnu á landsmótinu.

Oddur Gretarsson hélt í dag til Egyptalands með U-21 árs landsliðinu og Guðmundur Hólmar Helgason er á leiðinni í æfingaferð til Alfreðs Gíslasonar og því voru þeir fjarri góðu gamni í kvöld. Einnig höfðu nokkrir verið utanbæjar um verslunarmannahelgina og ekki komnir í bæinn í tæka tíð fyrir æfinguna.




Slakað á og teygt í lok æfingar


Ásgeir Jóhann fylgdist með æfingunni

Eins og við greindum frá fyrir helgi þá varð Ásgeir Jóhann Kristinsson fyrir því óláni að slíta krossband í fyrsta leik U-17 ára landsliðsins um daginn. Ásgeir fyldist með æfingunni og kvaðst reikna með því að fara í aðgerð eftir u.þ.b. mánuð og síðan færi það eftir endurhæfingu hvenær hann gæti farið að reyna á hnéð aftur.
Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson