Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Undirbúningstímabilið er á fullu hjá Rúnari og strákunum 23. ágúst 2009 - Akureyri handboltafélag skrifar Æfingaleikir í september Strákarnir okkar hafa tekið vel á því á æfingum upp á síðkastið og nú fer að styttast í fyrstu æfingaleikina áður en alvaran hefst fyrir alvöru. Við eigum von á FH í heimsókn í byrjun september og eru ráðgerðir tveir æfingaleikir sem verða 4. og 5. september. Helgina þar á eftir verður haldið á Selfoss og tekið þátt í hinu árlega Ragnarsmóti. Selfyssingar halda mótið núna í 20. sinn og í tilefni afmælisins ætla Selfyssingar að gera alla umgjörð mótsins sem glæsilegasta. Auk Akureyrar taka þátt heimamenn, Stjarnan, FH, Grótta og Valur. Keppt verður í tveimur riðlum og er skipulag mótsins sem hér segir: A riðill - Akureyri, Selfoss og Stjarnan B riðill - FH, Grótta og Valur Leikjaplanið er eftirfarandi: Miðvikudagur 9. sept: Selfoss – Stjarnan kl. 18:30 FH – Grótta kl. 20:00 Fimmtudagur 10. sept: Valur – FH kl. 18:30 Selfoss – Akureyri kl. 20:00 Föstudagur 11. sept: Akureyri – Stjarnan kl. 18:30 Grótta – Valur kl. 20:00 Laugardagur 12. sept: Leikur um 5 sæti kl. 16:00 Leikur um 3 sæti kl. 18:00 Leikur um 1 sæti kl. 20:00 Auk farandbikars sem veittur er fyrir sigur á mótinu og er í vörslu Stjörnunnar síðan í fyrra verða veitt verðlaun fyrir fyrsta, annað og þriðja sæti á mótinu. Einnig munu verða veitt verðlaun fyrir: Besta leikmann, besta sóknarmann, besta varnarmann, besta markmann og markahæsta leikmann. Sérstök nefnd mun sjá um valið. Helgina þar á eftir verða strákarnir síðan í Reykjavík og taka þátt í Reykjavík Open 18. – 19. sept. Ekki er útilokað að liðið fái fleiri æfingaleiki en Íslandsmótið fer síðan af stað 8. október en þá mætum við Valsmönnum í Vodafone höllinni. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson