Rúnar sagði helgina hafa verið árangursríka fyrir liðið
| | 13. september 2009 - Akureyri handboltafélag skrifarSilfur á Ragnarsmótinu - Hafþór besti markvörðurinnRagnarsmótinu á Selfossi lauk í gær með úrslitaleik Akureyrar og FH. Leikurinn var í jafnvægi til að byrja með en eftir tólf mínútna leik sigur FH ingar fram úr, mest fimm mörk en Akureyri minnkaði muninn í tvö mörk 13-15. FH skoraði síðan síðustu þrjú mörk hálfleiksins og leiddu því 13-18 í hálfleik.
Eins og í fyrri leikjum átti Geir Guðmundsson góðan leik og skoraði þrjú mörk eins og Árni Sigtryggsson.
Í seinni hálfleik keyrðu FH ingar yfir okkar menn með góðri vörn sem skilaði þeim fjölda hraðaupphlaupsmarka þannig að munurinn varð mestur níu mörk. Í stöðunni 22-31 kom þó nokkuð góður kafli þar sem Akureyri skoraði fimm mörk í röð og skyndilega komin smáspenna í leikinn. Í stöðunni 29-33 tóku FH ingar mikinn kipp og tryggðu sér öruggan sigur 29-36.
Hafþór átti að vanda góðan leik í markinu með 13 skot varin, þar af eitt víti. Siguróli kom inná og varði þrjú skot.
Hörður Fannar var öflugur á línunni í seinni hálfleiknum en að öðru leiti ekki ástæða til að gera upp á milli manna sem virkuðu þungir og hægir enda mikið álag á mannskapnum um helgina því auk leikjanna æfði liðið af krafti í ferðinni.
Markaskorunin var sem hér segir:
Hörður Fannar Sigþórsson 5, Árni Sigtryggsson 4, Oddur Gretarsson 4 (2 víti). Geir Guðmundsson 3, Heimir Örn Árnason 3, Björn Óli Guðmundsson 2, Jónatan Magnússon 2, Valdimar Þengilsson 2, Andri Snær Stefánsson, Bjarni Jónasson Guðlaugur Arnarsson og Heiðar Þór Aðalsteinsson 1 mark hver.
Það eru því FH ingar sem sigruðu á mótinu, Akureyri í öðru sæti og Selfoss í þriðja sæti eftir stórsigur á Val í leiknum um bronsið.
Starfsmenn sporttv.is fengu það hlutverk að útnefna bestu leikmenn mótsins. Þeir úrskurðuðu Hafþór Einarsson besta markvörð mótsins, Sigurgeir Árni Ægisson besti varnarmaðurinn, Ragnar Jóhannsson Selfossi besti sóknarmaðurinn en Ólafur Guðmundsson FH besti leikmaður mótsins. Bjarni Fritzson varð síðan markhæstur á mótinu.
Hafþór - besti markvörður Ragnarsmótsins
Þó að það hefði vissulega verið skemmtilegra að vinna FH í lokaleiknum var þetta hin besta ferð á Selfoss. Þetta var einna líkast því að vera keppnisferð með 5. flokki, gist var á dýnum í kennslustofu og samveran náin. Þá var æft stíft alla daga og ungu strákarnir fengu að spreyta sig í leikjunum og fengu þannig dýrmæta reynslu í Akureyrarbúningnum sem klárlega mun skila sér þegar í alvöruna kemur.
Liðið mun ekki taka þátt í Reykjavíkurmótinu um næstu helgi en mun hinsvegar taka þátt í öflugu móti í Hafnarfirði helgina þar á eftir ásamt Haukum, FH og Val. Sporttv.is kveðst ætla að sýna allt Hafnarfjarðarmótið í beinni útsendingu á netinu þannig að við munum geta fylgst með liðinu þar líkt og á nýloknu Ragnarsmóti. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu