Blóðtaka fyrir Akureyri - Jónatan Magnússon meiddur

Fréttir

Þú flettir milli frétta með örvalyklunum eða smellir á bláu örvarnar!


Slæmt að missa reynsluboltann út í fyrsta leik		7. október 2009 - Akureyri handboltafélag skrifar Blóðtaka fyrir Akureyri - Jónatan Magnússon meiddur Þær slæmu fréttir bárust í dag að Jónatan Magnússon hefði snúið ökkla á æfingu og mun því missa af leiknum gegn Val á morgun. Jonni er búinn að vera tæpur í ökklunum síðasta mánuðinn og sást það greinilega á Ragnarsmótinu á Selfossi að hann gekk ekki heill til skógar. Á æfingu í gær varð Jonni síðan fyrir hnjaski sem gerir það að verkum að hann verður að sleppa Valsleiknum. Við verðum bara að vona að Jonni komist sem fyrst í leikhæft stand til að taka þátt í baráttunni í upphafi móts. Það vita allir hvað Jónatan er mikilvægur leikmaður og því verður skarð hans vandfyllt á morgun. Við hvetjum alla stuðningsmenn Akureyrar að fjölmenna á Hlíðarenda og styðja strákana. Sömuleiðis er ljóst að það er gríðarlegur áhugi á Akureyri að koma á Greifann og fylgjast með leiknum í beinni útsendingu á stórum tjöldum. Leikurinn hefst klukkan 18:30 og útsendingin fimmtán mínútum fyrr eða klukkan 18:15.
Fletta milli frétta	Til baka Senda á Facebook