2. flokkur byrjar tímabilið af krafti – öruggur sigur á HK

Fréttir

Þú flettir milli frétta með örvalyklunum eða smellir á bláu örvarnar!


Jón Þór og félagar i góðum gír		27. október 2009 - Akureyri handboltafélag skrifar 2. flokkur byrjar tímabilið af krafti – öruggur sigur á HK Á föstudagskvöldið léku strákarnir í 2. flokki sinn fyrsta leik á tímabilinu þegar þeir mættu ríkjandi bikarmeisturum úr HK. Undanfarin tvö ár hefur HK reynst okkur afar erfiðir, sigrað í tveim síðustu bikarúrslitaleikjum og því ljóst að tekið yrði á þeim af fullum krafti hér. Það er skemmst frá því að segja að Akureyri hafði mikla yfirburði og leikurinn aldrei spennandi. Í hálfleik var staðan orðin 21-14 og ljóst í hvað stefndi. Virkilega gaman var að sjá baráttuna í strákunum og fengu þeir allir að spreyta sig og þrátt fyrir það jókst munurinn enn og öruggur yfirburðasigur staðreynd 38-27. Virkilega gaman var að sjá baráttuna í strákunum og ljóst að við eigum mikið af efnilegum strákum sem margir eiga eftir að banka á dyrnar hjá meistaraflokki. Þá er gaman að geta þess að áhorfendur voru um 140 manns. Dómaraparið Heimir Örn Árnason og Haddur Stefánsson Leikurinn var í öruggum höndum dómaranna Heimis Arnar Árnasonar og Hadds Stefánssonar sem voru hér að dæma sinn fyrsta leik saman og stóðu sig afar vel. Það er virkilega gott að við höfum eignast dómarapar hér norðanlands enda verkefnin mýmörg á því sviði.
Fletta milli frétta	Til baka Senda á Facebook