Akureyri fékk heimaleik gegn FH í bikarnum

Fréttir

Þú flettir milli frétta með örvalyklunum eða smellir á bláu örvarnar!


Akureyri og FH fara að þekkja hvort annað býsna vel		29. október 2009 - Akureyri handboltafélag skrifar Akureyri fékk heimaleik gegn FH í bikarnum Í kvöld var dregið í 16-liða úrslitum Eimskipsbikarkeppninnar. Þau undur gerðust að Akureyri Handboltafélag fékk heimaleik að þessu sinni og mótherjarnir eru góðkunningjar okkar úr FH. Þessi sömu lið drógust einmitt saman í fyrra en þá fór leikurinn fram í Hafnarfirði. Þetta verður kærkomið tækifæri fyrir Akureyri til að hefna fyrir úrslitin í síðasta deildarleik þar sem slakur seinni hálfleikur færði FH sigur. 16-liða úrslitin á að leika helgina 15. og 16. nóvember og getum við farið að hlakka til enda er þetta tvímælalaust stórleikur umferðarinnar. Umferðin í heild sinni lítur þannig út: ÍBV – Fram ÍR2 - Valur Þróttur – Selfoss Akureyri – FH Haukar2 – Haukar Víkingur – Afturelding Stjarnan – Grótta ÍR - HK Einnig var dregið í 16-liða úrslitum kvenna og þar fær KA/Þór sömuleiðis heimaleik en stelpurnar fá Víking í heimsókn. Kvennaleikirnir verða sem hér segir: ÍBV – Fram HK – FH Grótta – Þróttur Fylkir – Valur Fjölnir/Afturelding – Víkingur2 ÍR - Haukar KA/Þór – Víkingar Ríkjandi bikarmeistarar Stjörnunnar sitja hjá í þessari umferð.
Fletta milli frétta	Til baka Senda á Facebook