Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Óskum Oddi til hamingju

14. janúar 2010 - Akureyri handboltafélag skrifar

Bryndís Rún Hansen er íþróttamaður Akureyrar 2009

Í kvöld var útnefndur íþróttamaður Akureyrar 2009 en hann er valinn úr hópi sem aðildarfélög ÍBA tilnefna. Að þessu sinni var það Bryndís Rún Hansen sundkona úr Óðni sem hlaut titilinn. Í öðru sæti var knattspyrnukonan Rakel Hönnudóttir úr Þór/KA og í þriðja sæti okkar maður Oddur Gretarsson.


Oddur með blómvöndinn. Mynd Þórir Tryggvason

Árið 2009 var viðburðaríkt hjá Oddi en í lokahófi Akureyrar handboltafélags síðastliðið vor var Oddur valinn efnilegasti leikmaður liðsins. Þá lék Oddur stórt hlutverk í liði 2. Flokks Akureyrar sem varð deildarmeistari og vann jafnframt til silfurverðlauna bæði í bikarkeppninni og Íslandsmótinu.

Sumarið var heldur betur erilsamt hjá Oddi en hann lék bæði með U-19 ára og U-21 ára landsliðum Íslands sem lék vítt og breytt um heiminn. Oddur og félagar í U-19 ára liðinu léku til úrslita á heimsmeistaramótinu í Túnis og stóðu sig frábærlega og kom Oddur heim með enn einn silfurpeninginn þaðan.


Oddur með silfrið frá Túnis



Eftir örstutt stopp hér heima hélt Oddur til Egyptalands með U-21 árs liðinu í úrslitakeppni heimsmeistaramótsins, en aldrei þessu vant tókst ekki að vinna til verðlauna þar.

Oddur hefur síðan staðið sig frábærlega með Akureyri Handboltafélagi það sem af er leiktíðar en liðið er sem stendur í þriðja sæti N1-deildarinnar.

Við óskum Oddi til hamingju með verðlaunin – hann er svo sannarlega vel að þeim kominn.
Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson