Valur – Akureyri verður ekki sýndur á SportTV.is!

Fréttir

Þú flettir milli frétta með örvalyklunum eða smellir á bláu örvarnar!


Stórleikur í Valsheimilinu í dag		31. mars 2010 - Akureyri handboltafélag skrifar Valur – Akureyri verður ekki sýndur á SportTV.is! Nú virðist útséð um að stuðningsmenn Akureyrar Handboltafélags geti fylgst með stórleiknum gegn Val á SportTV.is eins og við áttum von á. Síðast í gær voru vísbendingar á heimasíðu SportTV.is um að leikurinn yrðir sýndur í beinni en þau plön virðast hafa breyst og þeir ætla einungis að sýna leik Gróttu og Stjörnunnar. Heimasíðan sendi fyrirspurn til SportTV.is um hvort þetta væri endanleg ákvörðun en engin svör hafa borist frá þeim. Að sjálfsögðu eru þetta gríðarleg vonbrigði þar sem áhorfendahópurinn hér fyrir norðan er stór og ljóst að mikill áhugi er á leiknum. Við reiknum ekki með því að geta verið með textalýsingu frá leiknum þannig að trúlega verður eina leiðin fyrir stuðningsmenn hér að fylgjast með á mbl.is en þeir hafa oftast flutt fréttir af gangi leikjanna. Leikurinn fer fram í Vodafone höllinni og hefst klukkan 18:30. Úrslit þessa leiks skera úr um hvort liðið verður í öðru sæti deildarinnar þegar tvær umferðir verða eftir.
Fletta milli frétta	Til baka Senda á Facebook