Oddur er ekki óvanur að taka við viðurkenningum
| | 21. apríl 2010 - Akureyri handboltafélag skrifarOddur Gretarsson og Stuðningsmenn Akureyrar bestir!Í dag var tilkynnt um viðurkenningar fyrir bestu frammistöðu í síðasta þriðjungi N1 deildar karla. Það er okkur sérstök ánægja að kynna að besti vinstri hornamaður tímabilsins er Oddur Gretarsson leikmaður Akureyrar en Oddur hefur leikið frábærlega í allan vetur og er vel að viðurkenningunni kominn.
Sömuleiðis fékk Akureyri Handboltafélag viðurkenningu fyrir bestu umgjörð heimaleikja. Þar eiga frábærir stuðningsmenn og áhorfendur ekki minnstan þáttinn enda hafa þeir haldið uppi stórkostlegri stemmingu á öllum leikjum liðsins.
Stemmingin klikkar ekki í stúkunni og þar leggja ungir sem aldnir sitt af mörkum
Á laugardaginn kemur fá stuðningsmenn Akureyrar enn eitt tækifærið til að sýna hvers þeir eru megnugir þegar Akureyri og Valur mætast í úrslitakeppninni.
En aftur að úrvalsliðinu sem kynnt var í dag en valinn er leikmaður í hverja stöðu á vellinum. Úrvalsliðið er þannig skipað:
Markvörður: Magnús Gunnar Erlendsson, Fram.
Vinstra horn: Oddur Gretarsson, Akureyri.
Vinstri skytta: Sigurbergur Sveinsson, Haukum.
Miðjumaður: Fannar Þór Friðgeirsson, Val.
Línumaður: Atli Ævar Ingólfsson, HK.
Hægri skytta: Arnór Þór Gunnarsson, Val.
Hægra horn: Bjarni Fritzson, FH.
Markvörðurinn Magnús Gunnar Erlendsson úr Fram var síðan einnig valinn besti leikmaður umferðanna.
Besti þjálfari: Gunnar Magnússon, HK.
Besta dómaraparið: Anton Gylfi Pálsson og Hlynur Leifsson.
Besta umgjörð leikja: Akureyri, Handboltafélag.
Við óskum öllum hlutaðeigandi til hamingju með viðurkenningar sínar. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu