Andri Snær reynir fyrir sér í danska boltanum

Fréttir

Þú flettir milli frétta með örvalyklunum eða smellir á bláu örvarnar!


Nú reynir á dönskukunnáttuna hjá Andra Snæ		29. maí 2010 - Akureyri handboltafélag skrifar Andri Snær reynir fyrir sér í danska boltanum Nú er að verða ljóst að Andri Snær Stefánsson heldur í víking til Danmerkur. Andri Snær er að útskrifast sem grunnskólakennari frá Háskólanum á Akureyri og hefur leikið með Akureyri Handboltafélagi og þar áður KA allan sinn feril. Kristín Hanna Bjarnadóttir, kærasta Andra er sömuleiðis að brautskrást sem viðskiptafræðingur frá Háskólanum á Akureyri og hafa þau skötuhjúin ákveðið að reyna fyrir sér í Danmörku næsta vetur. Hún stefnir á framhaldsnám við Háskólann í Árósum en Andri hefur verið í viðræðum við forráðamenn Århus GF sem leikur í efstu deild danska boltans. Andri er boðaður á æfingar hjá Århus GF í lok júlí og ef forráðamönnum liðsins líst á hann verður honum boðinn samningur. Ef það gengur ekki upp þá ætla Århus menn að aðstoða Andra Snæ við að komast að hjá öðrum liðum á svæðinu. Andri Snær og Kristín Hanna eru einmitt þessa stundina að leggja í útskriftarferð en við ræðum betur við kappann þegar hann kemur heim aftur. Hér er hægt að skoða heimasíðu Århus GF liðsins. Andri Snær var valinn leikmaður Akureyrar 2008
Fletta milli frétta	Til baka Senda á Facebook