Það voru bæði ný og vel þekkt andlit í Höllinni í gær
| | 4. september 2010 - Akureyri handboltafélag skrifarÖruggur sigur á ÍR í fyrsta æfingaleikÍR ingar eru í heimsókn á Akureyri þessa helgina og leika tvo æfingaleiki gegn Akureyri Handboltafélagi. Fyrri leikurinn var í gærkvöldi og var þónokkuð af áhorfendum mætt til að fylgjast með.
Akureyrarliðið byrjaði leikinn af miklum krafti og náði öruggri forystu strax í upphafi en staðan var 11-2 eftir rúmlega 12 mínútna leik. Varnarleikurinn var öflugur þar sem Gulli stjórnaði mönnum eins og hershöfðingi, þar fyrir aftan stóð Sveinbjörn Pétursson klár í markinu.
ÍR ingar komust betur inn í leikinn en staðan í hálfleik var 15-7 fyrir Akureyri.
Geir Guðmundsson fór mikinn í upphafi seinni hálfleiks og skoraði fyrstu fjögur mörk liðsins en allir fengu að spreyta sig og lyktaði leiknum með öruggum sigri Akureyrar 34-20.
Mörk Akureyrar skoruðu: Guðmundur Hólmar Helgason 9, Bjarni Fritzson 8, Oddur Gretarsson 6, Geir Guðmundsson 4, Daníel Einarsson 3, Hörður Fannar Sigþórsson 2, Guðlaugur Arnarsson og Heimir Örn Árnason 1 mark hvor.
Sveinbjörn Pétursson stóð í markinu lengst af og varði 16 skot en Stefán Guðnason kom í markið undir lokin og varði 3 skot.
Auk ofantalinna leikmanna voru í hópnum Jóhann Gunnarsson sem leikur með 2. flokki auk þess sem reynsluboltinn Þorvaldur Þorvaldsson sýndi að hann á nóg eftir á tankinum.
Góðir dómarar leiksins voru þeir Jóhann Gunnar Jóhannsson (Brói) og Sigurður Þrastarson.
Liðin mætast aftur klukkan 13:00 í dag í Íþróttahöllinni. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu