Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Það verður fróðlegt að fylgjast með Begga og félögum í vetur 15. september 2010 - Akureyri handboltafélag skrifar 2. flokkur hefur keppni á sunnudaginn Á sunnudaginn hefja strákarnir í 2. flokki sitt keppnistímabil með því að taka þátt í forkeppni níu liða þar sem væntanlega er leikið um sæti í deildum. Þessum níu liðum er skipt í þrjá riðla og er Akureyri í riðli með Fram og Gróttu. Í hinum riðlunum eigast við FH, HK og ÍBV annars vegar og síðan ÍR, Stjarnan og Afturelding. Leikirnir í riðli Akureyrar verða leiknir sunnudaginn 19. september og verða á Seltjarnarnesi sem hér segir: Kl. 10.00 Grótta - Fram Kl. 11.00 Akureyri - Grótta Kl. 12.00 Fram - Akureyri Okkur skilst að tvö lið af þessum þremur fari í efstu deild en það verður að segjast eins og er að maður skilur ekki alveg þetta fyrirkomulag! Engar upplýsingar eru um fyrirkomulagið á heimasíðu HSÍ en vonandi skýrist málið á næstunni. Helst er að sjá að einungis þessi níu lið séu skráð til leiks í 2. flokki en á síðasta ári voru hins vegar 16 lið í tveimur deildum. Maður trúir því tæplega að Haukar, Selfoss, Víkingur og Valur sendi ekki lið til keppni í Íslandsmótinu en vonandi fæst botn í þessi mál strax eftir helgi þegar þessari forkeppni verður lokið. Þjálfarar 2. flokks í vetur eru Heimir Örn Árnason og Geir Aðalsteinsson en eins og menn muna þá hafnaði liðið í 2. sæti deildarinnar í fyrra og tapaði síðan lokaleik úrslitakeppninnar með einu marki eftir mikla dramatík í lokiin. Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson