Fréttir  -   Úrslit  -   Næstu leikir  -   Deildin

Fréttir                       Þú flettir milli frétta með örvalyklunum eða smellir á bláu örvarnar!  Sveinbjörn átti stórleik í seinni hálfleiknum í kvöld 16. september 2010 - Akureyri handboltafélag skrifar Tap fyrir Haukum í köflóttum leik Akureyri lék sinn fyrsta leik í Hafnarfjarðarmótinu í dag þegar liðið mætti Haukum. Akureyri fór vel af stað í leiknum, eftir að Haukar höfðu verið 2-1 yfir kom flottur kafli þar sem Akureyri breytti stöðunni í 2-5. Haukar jöfnuðu í 5-5 en Akureyri lék vel næstu mínútur og hafði fín tök á leiknum, staðan 7-11 þegar tíu mínútur voru eftir af fyrri hálfleik. Þá hrökk allt í baklás og Haukar minnkuðu muninn í eitt mark 10-11 fyrir hálfleik. Þrátt fyrir að Haukar næðu að jafna með fyrsta markinu í seinni hálfleik virtist Akureyri hafa góð tök á leiknum og hélt 2 – 3 marka forystu. Í stöðunni 17-18 fyrir Akureyri lamaðist sóknarleikur liðsins algjörlega og Haukar gengu á lagið og skoruðu síðustu fimm mörk leiksins og unnu því fjögurra marka sigur 22-18. Spurning hvort sé hægt að kenna ferðaþreytu um hvernig fór en liðið lék fínan leik lengst af í fyrri hálfleik en sóknarleikurinn brást illilega í seinni hluta leiksins. Varnarleikurinn var býsna traustur og Sveinbjörn Pétursson átti stórleik í markinu, sérstaklega í seinni hálfleik þar sem hann varði 13 skot. Mörk Akureyrar: Oddur Gretarsson 4, Bjarni Fritzson, Heimir Örn Árnason og Hörður Fannar Sigþórsson 3 mörk hver, Geir Guðmundsson og Valdimar Þengilsson 2 mörk hvor og Bergvin Gíslason 1 mark. Á morgun, föstudag leikur Akureyri við FH og hefst leikurinn klukkan 20:00 í Íþróttahúsinu við Strandgötu. Leikurinn verður sýndur beint á SportTV.is. Þú smellir hér til að komast á vef SportTV.is Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson