Spá forráðamanna og þjálfara um handboltann í vetur - Akureyri Handboltafélag

Fréttir - Úrslit - Næstu leikir - Deildin

Fréttir

Þú flettir milli frétta með örvalyklunum eða smellir á bláu örvarnar!


Vertíðin er að hefjast		27. september 2010 - Akureyri handboltafélag skrifar Spá forráðamanna og þjálfara um handboltann í vetur Nú í hádeginu var birt árleg spá forráðamanna og þjálfara liðanna í N1 deildinni um gengi liðanna í vetur. Samkvæmt spánni verða krýndir nýir meistarar að vori en FH er spáð titlinum að þessu sinni en liði Akureyrar er spáð 3. sæti. Nýliðunum er ekki spáð góðu gengi, Aftureldingu er spáð falli og Selfyssingum að fara í umspil um áframhaldandi sæti í deildinni. Mótið verður með sama sniði og í fyrra, spilaðar verða þrjár umferðir í deildarkeppninni og fjögur efstu liðin leika til úrslita um Íslandsmeistaratitilinn. Neðsta liðið fellur í 1. deild en liðið sem hafnar í 7. sæti fer í umspil ásamt liðum úr 2.-4. sæti 1. deildarinnar um sæti í úrvalsdeild að ári. Spáin fyrir N1 deild karla er sem hér segir: 1. FH 218 stig 2. Haukar 214 stig 3. Akureyri 187 stig 4. Fram 170 stig 5. Valur 146 stig 6. HK 119 stig 7. Selfoss 104 stig 8. Afturelding 90 stig Þess ber að geta að mest var hægt að fá 240 stig. Í 1. deild eru átta lið sem spila þrefalda umferð. Efsta liðið fer upp í N1 deildina en liðin í 2. – 4. sæti fara í umspil við liðið sem hafnar í 7. sæti N1 deildarinnar. Í fyrstu deild karla var spáin svohljóðandi: 1. Grótta 217 stig 2. ÍBV 198 stig 3. Stjarnan 195 stig 4. ÍR 183 stig 5. Víkingur 159 stig 6. Ungmennalið FH 107 stig 7. Ungmennalið Selfoss 97 stig 8. Fjölnir 92 stig Þannig að ef spárnar ganga eftir þá kemur Grótta upp en ÍBV, Stjarnan og ÍR fara í umspil ásamt Selfossi. Að sjálfsögðu eru þetta einungis spár og augljóst mál að öll liðin nema kannski þau sem er spáð efsta sætinu ætla sér að hnekkja þeim. Það er allavega öruggt mál að það sækir enginn ódýr stig á Selfoss eða í Mosfellsbæinn.
Fletta milli frétta	Til baka Senda á Facebook

Umsjón og hönnun:
Stefán Jóhannsson og Ágúst Stefánsson

web counter