Geir Guðmundsson æfir með Kiel í desember

Fréttir

Þú flettir milli frétta með örvalyklunum eða smellir á bláu örvarnar!


Geir brosir hringinn þessa dagana		22. nóvember 2010 - Akureyri handboltafélag skrifar Geir Guðmundsson æfir með Kiel í desember Nú rétt í þessu var að berast staðfesting á því að þýska stórliðið Kiel sem Alfreð Gíslason þjálfar er búið að bjóða Geir Guðmundssyni að koma og æfa með liðinu í desember. Geir mun halda utan eftir leik Hauka og Akureyrar þann 16. desember og verða í vikutíma eða fram að jólum. Það þarf ekki að hafa mörg orð um hve frábært tækifæri þetta er fyrir Geir sem þarna fær tækifæri til að æfa með og spreyta sig gegn bestu handknattleiksmönnum heims. Sumarið 2009 bauð Kiel einmitt þeim Guðmundi Hólmari Helgasyni og Ásgeiri Jóhanni Kristinssyni að æfa með liðinu eina viku. Ásgeir varð reynar fyrir því óláni rétt fyrir ferðina að slíta krossband í hné og komst því ekki með. Guðmundur Hólmar og Filip Jicha í jafnvægisæfingum á æfingu hjá Kiel 2009 Það vilja sennilega þúsundir ungra stráka vera í sporum Geirs núna og trúlega er þetta ein magnaðasta jólagjöf sem hann gat hugsað sér. Við óskum honum hjartanlega til hamingju með þetta tækifæri og vonumst til að fá myndir og ferðasöguna þegar hann snýr heim á ný. Geir var valinn besti maður Akureyrarliðsins gegn Selfossi 11. nóv 2010
Fletta milli frétta	Til baka Senda á Facebook