2. flokkur: Strákarnir spila tvo leiki í Eyjum um helgina

Fréttir

Þú flettir milli frétta með örvalyklunum eða smellir á bláu örvarnar!


Eyjamenn eru örugglega erfiðir heim að sækja		21. janúar 2011 - Akureyri handboltafélag skrifar 2. flokkur: Strákarnir spila tvo leiki í Eyjum um helgina Leikmenn 2. flokks Akureyrar verða á faraldsfæti um helgina þegar þeir halda til Vestmannaeyja og leika bæði heimaleik og útileik í ferðinni. Á laugardaginn sigla strákarnir til Eyja og spila síðan deildarleik við heimamenn. Sá leikur er reyndar heimaleikur Akureyrar og síðan mætast liðin aftur á sunnudaginn í Eyjum en sá leikur verður heimaleikur ÍBV. Þetta fyrirkomulag er viðhaft í hagræðingarskyni fyrir bæði liðin. Leikurinn á laugardaginn er settur á klukkan 17:00 en trúlega verður reynt að flýta leiknum þannig að strákarnir geti fylgst með leik Íslands og Þýskalands á HM. Sunnudagsleikurinn er settur á klukkan 11:00 og að honum loknum verður siglt í land á nýjan leik.
Fletta milli frétta	Til baka Senda á Facebook