Leikur dagsins: Akureyri - Haukar í beinni textalýsingu

Fréttir

Þú flettir milli frétta með örvalyklunum eða smellir á bláu örvarnar!


Það verður ekkert gefið eftir í kvöld		24. mars 2011 - Akureyri handboltafélag skrifar Leikur dagsins: Akureyri - Haukar í beinni textalýsingu Heil umferð verður leikin í N1 deildinni í kvöld. Augu okkar Akureyringa beinast fyrst og fremst að tveimur leikjum, það er að segja okkar leik Akureyri – Haukar og hins vegar leik FH og Vals. Akureyri og FH eru einu liðin sem eiga fræðilegan möguleika á að verða deildarmeistarar þrátt fyrir að það séu fjórar umferðir eftir í deildinni. Fyrir þá sem hafa gaman að því að spá í stöðuna þá má benda á að með hagstæðum úrslitum leikja kvöldsins gæti Akureyri náð deildarmeistaratitlinum í kvöld. Ef Valur vinnur FH í kvöld þá þarf Akureyri einungis eitt stig til viðbótar til að hampa titlinum. En hvernig sem sá leikur endar þá eru Akureyringar staðráðnir í að krækja í stigin tvö sem eru í boði gegn Haukunum. Eins og venjulega þá verðum við með beina textalýsingu frá leiknum. Textalýsingin opnast í sérstökum glugga og uppfærist sjálfkrafa með 15 sekúndna millibili. Smelltu hér til að opna textalýsinguna. Þá höfum við upplýsingar um að Haukar ætli að sýna leikinn á netinu. Smelltu hér til að fylgjast með HaukaTV.
Fletta milli frétta	Til baka Senda á Facebook