2. flokkur: Góður sigur á Fram í dag

Fréttir

Þú flettir milli frétta með örvalyklunum eða smellir á bláu örvarnar!


Halldór Tryggvason lék með eftir töluverða fjarveru		26. mars 2011 - Akureyri handboltafélag skrifar 2. flokkur: Góður sigur á Fram í dag Strákarnir í 2. flokki voru ekki á þeim buxunum að láta Framara fagna deildarmeistaratitli hér fyrir norðan en leik liðanna var að ljúka í Höllinni. Akureyrarliðið vann góðan þriggja marka sigur 39 – 36 eftir að staðan var jöfn í hálfleik 17-17. Sigurinn var þó öruggari en lokatölur segja til um því í lokin greip um sig nett kæruleysi og Framarar fengu boltann á siflurfati í nokkur skipti og náðu fyrir vikið að saxa lítillega á forskotið. Mörk Akureyrar: Oddur Gretarsson 13, Bergvin Gíslason 9, Jóhann Gunnarsson 6, Halldór Tryggvason 5, Jón Heiðar Sigurðsson 2, Ólafur Magnússon 2 og Valþór Guðrúnarson 1. Hjá Fram var Arnar Hálfdánarson markahæstur með 12 mörk og Róbert Aron Hostert með 8. Akureyri er því í augnablikinu á toppi deildarinnar og hefur lokið sínum leikjum. Hin liðin eiga enn eftir leiki þannig að endanleg röð er ekki á hreinu enn sem komið er.
Fletta milli frétta	Til baka Senda á Facebook