U-19 ára landsliðið: Sigur gegn Austurríki í morgun - Akureyri Handboltafélag

Fréttir - Úrslit - Næstu leikir - Deildin

Fréttir

Þú flettir milli frétta með örvalyklunum eða smellir á bláu örvarnar!


Ásgeir og félagar á sigurbraut á ný		7. júlí 2011 - Akureyri handboltafélag skrifar U-19 ára landsliðið: Sigur gegn Austurríki í morgun U-19 ára landslið karla sigraði í morgun Austurríki 27-23 á Opna Evrópumótinu sem fer fram í Gautaborg. Þetta var fyrsti leikur liðsins í keppninni um 9-15.sætið. Mikið jafnræði var með liðunum í fyrri hálfleik og skiptust liðin á að hafa forystu. Þegar fimmtán mínútur voru búnar var jafnt 7-7 en þá náði íslenska liðið upp góðum varnarleik sem skilaði þeim í þriggja marka forystu 10-7. Austurríkismenn neituðu hins vegar að gefast um og þegar flautað var til hálfleiks var staðan 12-12. Austurríkismenn byrjuðu seinni hálfleikinn af miklum krafti og náðu að skora tvö fyrstu mörkin á aðeins fystu 2 mínútum en þá tók íslenska liðið heldur betur við sér, þeir náðu að loka gjörsamlega á allar sóknaraðgerðir Austurríkis og voru jafnframt fljótir að refsa þeim fyrir minnstu mistök. Þegar tíu mínútur voru liðnar af hálfleiknum var Ísland komið með fimm marka forystu 19-14 og Austurríkismenn áttu engin svör við frábærum varnarleik íslenska liðsins. Að lokum fór svo að íslenska liðið tryggði sér fjögurra marka sigur 27-23. Markaskorarar Íslands: Sveinn Aron Sveinsson 10/3 Garðar Sigurjónsson 5 Geir Guðmundsson 5 Víglundur Þórsson 3 Leó Snær Pétursson 2 Árni Benedikt Árnason 1 Guðmundur Hólmar Helgason 1 Varin skot: Sigurður Ingiberg Ólafsson 14/1 Í hinum leik morgunsins völtuðu Rússar yfir Eista, 25-12 en næsti leikur íslenska liðsins er á móti Eistlandi og hefst hann kl 15:00 að íslenskum tíma. Sjá heimasíðuna með stöðu og riðlum á mótinu.
Fletta milli frétta	Til baka Senda á Facebook

Umsjón og hönnun:
Stefán Jóhannsson og Ágúst Stefánsson

web counter