Fréttir af æfingaferð Akureyrar til Þýskalands

Fréttir

Þú flettir milli frétta með örvalyklunum eða smellir á bláu örvarnar!


Það verður nóg að gera hjá þjálfurum liðsins í ferðinni		4. ágúst 2011 - Akureyri handboltafélag skrifar Fréttir af æfingaferð Akureyrar til Þýskalands Eins og við greindum frá á dögunum er Akureyrarliðið að fara á öflugt mót í Þýskalandi 20. – 21. ágúst næstkomandi. Það eru sex lið sem taka þátt í mótinu, þýsku Bundesliguliðin SC Magdeburg, MT Melsungen og TuS N Lübbecke. Svissneska liðið HC Kriens – Luzern og sænska stórliðið Ystad IF auk Akureyrar Handboltafélags. Akureyrarliðið lætur ekki þar við sitja heldur verður leikinn æfingaleikur við þýska liðið MTV Vorsfelde þann 19. ágúst en það lið er í þýsku Oberligu deildinni (4. deild) og á heimkynni í nágrenni Wolfsburg. Heimamenn í Vorsfelde fagna þessu tækifæri til að spila gegn einu af toppliðum Evrópu „Das wird ein interessantes Spiel gegen ein europäisches Spitzenteam.“ segir í frétt á heimasíðu liðsins. Akureyrarliðið heldur síðan til Berlínar að loknu mótinu og leikur æfingaleik þann 22. ágúst gegn varaliði Füchse Berlin sem Dagur Sigurðsson þjálfar. Það er því ljóst að strákarnir taka duglega á því í ferðinni.
Fletta milli frétta	Til baka Senda á Facebook