2. flokkur: Gerðu góða ferð suður um helgina

Fréttir

Þú flettir milli frétta með örvalyklunum eða smellir á bláu örvarnar!


Kraftur í strákunum í 2. flokki		22. nóvember 2011 - Akureyri handboltafélag skrifar 2. flokkur: Gerðu góða ferð suður um helgina Strákarnir í 2. flokki Akureyrar gerðu góða ferð suður um helgina. Akureyri-1 sem leikur í 1. deild hóf ferðina með sex marka sigri á Val 27 - 33 eftir að hafa leitt í hálfleik 13 - 18. Á laugardaginn völtuðu strákarnir síðan yfir HK 22 – 39 en í hálfleik var staðan 13-19. Strákarnir eru því heldur betur að rétta úr kútnum með þrjá sigra í síðustu leikjum eftir að hafa tapað fyrstu tveim leikjum sínum í 1. deildinni. Næsti leikur liðsins er ekki fyrr en laugardaginn 10. desember en þá kemur Grótta í heimsókn í Íþróttahöllina og hefst sá leikur klukkan 14:00. Smelltu hér til að sjá stöðuna og úrslit leikja í 1. deildinni. Akureyri-2 sem leikur í 2. deildinni lék sömuleiðis tvo leiki fyrir sunnan um helgina. Í fyrri leiknum, á föstudeginum máttu þeir sætta sig við níu marka tap gegn Val 39-30 eftir að hafa verið undir 17 - 14 í hálfleik. Strákarnir mættu síðan Víkingum á laugardaginn og unnu þar baráttusigur 22 – 23 eftir að jafnt var í hálfleik 13 -13. Samkvæmt leikjaniðurröðun er næsti leikur Akureyri-2 heimaleikur gegn Þrótti og á hann að vera laugardaginn 3. desember klukkan 12:30 í Íþróttahöllinni. Hér má sjá stöðuna og öll úrslit í 2. deildinni.
Fletta milli frétta	Til baka Senda á Facebook