Til hamingju Gulli og Höddi
| | 13. desember 2011 - Akureyri handboltafélag skrifarHörður Fannar og Guðlaugur í liði 11. umferðar N1 deildarinnarMorgunblaðið birtir í dag val sitt á liði 11. umferðar N1 deildarinnar, þar á Akureyri Handboltafélag tvo fulltrúa, línumanninn Hörð Fannar Sigþórsson og varnarmanninn Guðlaug Arnarsson.
Listi Morgunblaðsins er eftirfarandi:
Hægra horn: Einar Rafn Eiðsson Fram
Hægri skytta: Örn Ingi Bjarkason FH
Leikstjórnandi: Ingimundur Ingimundarson Fram
Línumaður: Hörður Fannar Sigþórsson Akureyri
Vinstri skytta: Böðvar Páll Ásgeirsson Aftureldingu
Vinstra horn: Freyr Brynjarsson Haukum
Varnarmaður: Guðlaugur Arnarsson Akureyri
Markvörður: Daníel Freyr Andrésson FH
Morgunblaðið valdi Ingimund Ingimundarson jafnframt leikmann umferðarinnar, hér á eftir fara glefsur úr spjalli Ívars Benediktssonar, blaðamanns mbl við Ingimund:
„Deildin er jöfn og skemmtileg þar sem efstu sex liðin geta reytt sig hvert af öðru. Framundan er því áfram hörkukeppni um sæti í úrslitakeppninni,“ segir Ingimundur.
Akureyri með eina alvöruheimavöllinn
Ingimundur segir ýmislegt hafa breyst í umgjörð og stemningu leikja hér á landi frá því að hann hélt út til Evrópu fyrir nokkrum árum.
„Mér finnst minni stemning á leikjum núna en var þegar ég lék hér heima á sínum tíma. Kannski er ég eitthvað að ofmeta stemninguna kringum ÍR-liðið í Austurbergi á sínum tíma.
Það eru samt nokkur lið sem eru að vinna mjög vel í sínum málum og þar vil ég sérstaklega nefna Akureyri. Þar er eini alvöruheimavöllurinn sem erfitt er að sækja heim. Þar er greinilega unnið gott starf,“ segir Ingimundur. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu