Oddur Gretarsson að koma úr heimsókn til Gummersbach

Fréttir

Þú flettir milli frétta með örvalyklunum eða smellir á bláu örvarnar!


Þýskunámið hefur væntanlega nýst Oddi vel á síðustu dögum		5. apríl 2012 - Akureyri handboltafélag skrifar Oddur Gretarsson að koma úr heimsókn til Gummersbach Oddur Gretarsson er væntanlegur heim í dag eftir að hafa dvalið síðustu daga hjá þýska úrvalsdeildarliðinu Gummersbach við æfingar. Samkvæmt heimildum okkar þá gekk Oddi mjög vel á æfingum og verður fróðlegt að sjá hver framvindan verður. Það er þó allt óljóst hvort Oddur fær tilboð frá liðinu í kjölfarið. Nýr þjálfari tekur við Gummersbach fyrir næsta tímabil og mætti hann einmitt á síðustu æfinguna sem Oddur var á. Alla vega er ljóst að Oddur leggur allt kapp á að klára tímabilið með Akureyri með stæl enda yrði það frábært veganesti ef hann fengi tækifæri til að fara erlendis í atvinnumennsku í framtíðinni. Skapti Hallgrímsson sendi okkur þessar skemmtilegu myndir af Oddi í síðasta heimaleik gegn FH. Skapti kallaði myndirnar „lífið í lit“ og eru þær sönnun þess að það er ekki ónýtt að auglýsa á heimaleikjum Akureyrar.
Fletta milli frétta	Til baka Senda á Facebook