Lokaundirbúningur næsta tímabils hafinn

Fréttir

Þú flettir milli frétta með örvalyklunum eða smellir á bláu örvarnar!


Jovan Kukobat og Hreinn Hauksson mættir til leiks		8. ágúst 2012 - Akureyri handboltafélag skrifar Lokaundirbúningur næsta tímabils hafinn Líkt og undanfarin ár þá byrjuðu skipulagðar æfingar meistaraflokks í kringum verslunarmannahelgina af fullum krafti eftir að leikmenn hafa fengið smáfrí í júlí. Heimasíðan kíkti á æfingu í gær og er óhætt að segja að strákarnir hafi tekið hraustlega á og greinilega kraftur í mönnum. Serbneski markvörðurinn Jovan Kukobat kom til Akureyrar á föstudaginn og var að sjálfsögðu á fullri ferð á æfingunni. Það var létt yfir þeim Petar Ivancic og Jovan Kukobat á æfingunni Sömu sögu er að segja af baráttujaxlinum Hreini Haukssyni sem er fluttur til Akureyrar á ný eftir ársdvöl í Svíþjóð. Hreinn kom reyndar heim í þrjá leiki með Akureyri í fyrrahaust þegar meiðslavandræði liðsins voru hvað mest. Það er að sjálfsögðu gríðarlega mikilvægt fyrir liðið að fá reynsluboltann Hrein aftur enda einn öflugasti varnarjaxl íslenska boltans. N1 deildin hefst mánudaginn 24. september en þá koma FH-ingar í heimsókn í Íþróttahöllina. Áður verður þó æfingamót hér fyrir norðan þar sem HK, ÍR og Valur taka þátt auk Akureyrar en nánar um það síðar.
Fletta milli frétta	Til baka Senda á Facebook