Fjáröflunarátak fyrir komandi leiktímabil - Akureyri Handboltafélag

Fréttir - Úrslit - Næstu leikir - Deildin

Fréttir

Þú flettir milli frétta með örvalyklunum eða smellir á bláu örvarnar!


Nú leitum við eftir stuðningi handboltaáhugamanna		9. september 2012 - Akureyri handboltafélag skrifar Fjáröflunarátak fyrir komandi leiktímabil Kæri stuðningsmaður Vilt þú hjálpa okkur að ná aðeins lengra? Akureyri Handboltafélag er án efa eitt af stóru liðunum í íslenskum handbolta. Meistaraflokkur varð í 3. sæti N1 deildarinnar á síðasta ári og 2. flokkur félagsins varð Íslandsmeistari og deildarmeistari. Íslandsmeistarar 2. flokks 2012 Nú viljum við stefna enn hærra á komandi tímabili. Leikmannahópurinn er metnaðarfullur og ætlar sér enn betri árangur í vetur og halda uppi merkjum handboltans á landsbyggðinni en líkt og áður þá erum við eina landsbyggðarliðið í úrvalsdeild HSÍ. Meistaraflokkur mætir FH í fyrsta heimaleik 24. september næstkomandi Það er kostnaðarsamt að taka þátt í deild þeirra sterkustu og því leitum við aðstoðar allra velunnara okkar. Ólíkt öðrum íþróttafélögum þá eru engir skráðir félagsmenn og þar með greiðir enginn félagsgjald til Akureyrar Handboltafélags. Við höfum því valið þá leið að senda Akureyringum styrktarbeiðni sem birtist sem valgreiðsla í heimabankanum þínum að upphæð kr. 1.500.- Það er enginn skuldbundinn að greiða beiðnina en margt smátt gerir eitt stórt og allt hjálpar til. Í heimabankanum þínum birtist greiðslan væntanlega eins og hér er sýnt... Þú getur smellt á myndirnar til að sjá þær stærri. En í heimabanka Landsbankans þarf trúlega að velja að gera slíkar valkvæðar greiðslur sýnilegar. Það er gert með því að smella á Greiðslur og síðan á Ógreiddir reikningar eins og sést á myndinni hér að neðan. Með fyrirfram þakklæti og kveðju, Leikmenn og stjórn Akureyrar Handboltafélags.
Fletta milli frétta	Til baka Senda á Facebook

Umsjón og hönnun:
Stefán Jóhannsson og Ágúst Stefánsson

web counter