Heimasíðan
 Fréttir  -   Úrslit  -   Næstu leikir  -   Deildin

    Fréttir                       Þú flettir milli frétta með örvalyklunum eða smellir á bláu örvarnar! 

Geir var öflugur gegn Stjörnunni

16. september 2012 - Akureyri handboltafélag skrifar

Góð æfingaferð um helgina

Leikmenn Akureyrar Handboltafélags léku tvo æfingaleiki um helgina á höfuðborgarsvæðinu. Að þessu sinni var leikið gegn tveimur liðum úr 1. deildinni. Fyrri leikurinn var gegn Stjörnunni úr Garðabæ sem leikur undir stjórn Gunnars Bergs Viktorssonar. Akureyri vann öruggan átta marka sigur 31 – 23. Samkvæmt okkar heimildum átti Jovan flottan leik í markinu og Geir Guðmundsson atkvæðamestur í sókninni.
Samkvæmt sömu heimildum var Bjarni Jónasson yfirburðamaður og markahæstur Stjörnumanna en Bjarni er einmitt fyrrum leikmaður Akureyrar.


Bjarni varð deildarmeistari með 2. flokki Akureyrar vorið 2009

Á laugardagsmorgunn var æfingaleikur gegn ÍBV en þjálfari Vestmannaeyinga er enginn annar en Erlingur Richardsson sem undanfarin ár hefur verið annar þjálfari HK. Akureyrarliðið lék mjög vel í leiknum og vann góðan sigur, reyndar liggja ekki fyrir endanlegar tölur fyrir enda skipta þær ekki höfuðmáli. Leikinn dæmdu þeir Sævar Árnason og Magnús Stefánsson (frá Fagraskógi) en líkt og í fyrravetur þá leikur Magnús með ÍBV. Magnús glímir reyndar við meiðsli í augnablikinu og var því í dómarahlutverkinu í þessum leik.

Þessir leikir voru kærkomnir fyrir liðið þar sem ekki hafa verið margir æfingaleikir í boði en liðsmenn hafa æft mjög vel í sumar..


Magnús í leik gegn ÍBV 3. maí 2008

Fletta milli frétta Til baka    Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson