Sigurvegari spámanna 10. umferðar

Fréttir

Þú flettir milli frétta með örvalyklunum eða smellir á bláu örvarnar!


Gestur virðist ótrúlega marktækur spámaður		30. nóvember 2012 - Akureyri handboltafélag skrifar Sigurvegari spámanna 10. umferðar Nú er öllum leikjum 10. umferðar lokið og því hægt að fara yfir árangur spámanna. Eins og við var að búast kom tap Akureyrar fyrir ÍR spámönnum í opna skjöldu og einungis þrír spáðu rétt fyrir um þann leik. Jafntefli hafa alltaf verið erfið en að þessu sinni voru sjö manns sem sáu fyrir jafntefli Vals og Aftureldingar sem er trúlega met á hjá okkur á jafnteflisleik. Sigrar FH á Fram og Hauka á HK komu hins vegar minna á óvart, 17 spáðu rétt til um sigur FH og 23 spáðu rétt til um Haukasigurinn. Það var hins vegar aðeins einn sem sá þetta allt fyrir og var með 4 leiki rétta en það var enginn annar en Gestur Guðrúnarson. Þetta er í annað sinn sem Gestur nær bestum árangri spámanna og spurning hvaða brögðum hann beitir. Við óskum Gesti að sjálfsögðu til hamingju með árangurinn. Það var sem sé einn með alla fjóra rétta, þrír með þrjá rétta sem segir okkur að óvæntir hlutir gerðust í umferðinni. Líkt og oftast áður þá náðir enginn að spá réttri markatölu í leik.
Fletta milli frétta	Til baka Senda á Facebook