Varstu í Laugardalshöllinni á bikarúrslitunum 2011?

Fréttir

Þú flettir milli frétta með örvalyklunum eða smellir á bláu örvarnar!


Það er óhætt að lofa frábærri skemmtun á bikarúrslitunum		27. febrúar 2013 - Akureyri handboltafélag skrifar Varstu í Laugardalshöllinni á bikarúrslitunum 2011? Nú styttist í úrslitahelgi bikarkeppninnar 2013 sem er einn af hápunktum handboltatímabilsins. Þó að fyrirkomulagið í ár sé ekki með sama hætti og undanfarin ár er óhætt að lofa því að þessi helgi verður frábær skemmtun fyrir alla handboltaáhugamenn. Akureyri fór í úrslitaleikinn árið 2011 og fjölmargir stuðningsmenn liðsins settu heldur betur svip sinn á stúkuna í Laugardalshöllinni og skemmtu sér konunglega. Til að rifja aðeins upp stemminguna drögum við fram myndasyrpu Þóris Tryggvasonar frá helginni. Myndirnar eru frá lokaæfingu liðsins í Laugardalshöllinni á föstudeginum, frá hittingi stuðningsmanna fyrir leik á Ölver í Glæsibæ og loks frá bikarúrslitaleiknum sjálfum. Eins og sjá má á myndunum þá voru svartklæddir stuðningsmenn Akureyrar heldur betur í góðum gír í stúkunni og þannig ætlum við einmitt að hafa það í ár líka. Sjá allar myndirnar.
Fletta milli frétta	Til baka Senda á Facebook