Handboltavertíðin er að bresta á
| | 10. september 2013 - Akureyri handboltafélag skrifarLeikmannakynning í Höllinni á fimmtudaginnÞað er orðin löng hefð fyrir því að hefja handboltavertíðina með því að kynna leikmannahópinn fyrir stuðningsmönnum. Fimmtudaginn 12. september, klukkan 20:00 er komið að kynningu á leikmannahópnum 2013-2014 og hvetjum við allt áhugafólk um handbolta til að koma í Íþróttahöllina og kynna sér starfsemi Akureyrar Handboltafélags í vetur.
Þjálfarar meistaraflokks þeir Bjarni Fritzson og Heimir Örn Árnason kynna leikmannahópinn en líkt og á hverju ári verða breytingar á hópnum. Við höfum fengið fimm nýja leikmenn til liðs við okkur auk þess sem nokkrir knáir ungliðar koma úr yngri flokkum í bland við þá sem fyrir eru. Þessir kappar fylla skörð þeirra sem róið hafa á önnur mið.
Þjálfari 2. flokks er Sigurður Brynjar Sigurðsson en líkt og undanfarin ár er stór hópur sem æfir þar af krafti.
Starfsemi stuðningsmannaklúbbsins verður kynnt en hún verður með svipuðu sniði og síðasta tímabil. Gullkortið verður selt á staðnum en handhafar þeirra njóta ýmissa fríðinda. Aðgöngumiði á alla heimaleiki í deildinni, frátekið sæti í stúkunni, glæsilegar veitingar fyrir leik og í hálfleik svo eitthvað sé nefnt. Verð gullkortsins er óbreytt frá síðasta vetri, 25.000 krónur.
Smelltu hér til að panta Gullkortið
Við hvetjum alla velunnara og áhugafólk til að fjölmenna í Höllina á fimmtudaginn, fyrsti heimaleikur tímabilsins verður viku síðar, fimmtudaginn 19. september þegar Íslandsmeistarar Fram koma í heimsókn. Það er spennandi handboltavetur framundan.
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu