Fjáröflunarátak fyrir komandi leiktímabil - Akureyri Handboltafélag

Fréttir - Úrslit - Næstu leikir - Deildin

Fréttir

Þú flettir milli frétta með örvalyklunum eða smellir á bláu örvarnar!


Við stöndum með okkar mönnum í baráttunni		25. september 2013 - Akureyri handboltafélag skrifar Fjáröflunarátak fyrir komandi leiktímabil Kæri stuðningsmaður Við leitum til þín til að hjálpa okkur til að ná enn betri árangri en áður. Akureyri Handboltafélag er án efa eitt af stóru liðunum í íslenskum handbolta. Félagið heldur úti meistaraflokki ásamt tveimur liðum í 2. flokki karla. Við búum við þær aðstæður að þurfa að ferðast mest allra liða í úrvalsdeild en allir okkar útileikir fara fram á höfuðborgarsvæðinu eða í Vestmannaeyjum. Ferðakostnaður liðsins er því gífurlega mikill og fyrir liggur að hann verður töluvert hærri nú heldur en síðastliðið tímabil. Leikmannahópurinn er metnaðarfullur og ætlar sér stóra hluti í vetur og halda þar með uppi merkjum handboltans á landsbyggðinni. Akureyri vann sannfærandi sigur á Íslandsmeisturum Fram í fyrstu umferð á dögunum Meistaraflokkur liðsins heldur síðan í sinn fyrsta útileik 28. september næstkomandi þegar liðið mætir bikarmeisturum ÍR. Það er kostnaðarsamt að taka þátt í deild þeirra sterkustu og því leitum við aðstoðar allra velunnara okkar með fjáröflun. Ólíkt öðrum íþróttafélögum þá eru engir skráðir félagsmenn og þar með greiðir enginn félagsgjald til Akureyrar Handboltafélags. Við höfum því valið þá leið að senda Akureyringum styrktarbeiðni sem birtist sem valgreiðsla í heimabankanum þínum að upphæð kr. 3.000.- Það er enginn skuldbundinn að greiða beiðnina en margt smátt gerir eitt stórt og allt hjálpar til. Í heimabankanum þínum birtist greiðslan væntanlega líkt og hér er sýnt... Þú getur smellt á myndirnar til að sjá þær stærri. En í heimabanka Landsbankans þarf trúlega að velja að gera slíkar valkvæðar greiðslur sýnilegar. Það er gert með því að smella á Greiðslur og síðan á Ógreiddir reikningar eins og sést á myndinni hér að neðan. Með fyrirfram þakklæti og kveðju, Leikmenn og stjórn Akureyrar Handboltafélags.
Fletta milli frétta	Til baka Senda á Facebook

Umsjón og hönnun:
Stefán Jóhannsson og Ágúst Stefánsson

web counter