Helga Steinunn formaður Samherjasjóðsins
| | 22. desember 2013 - Akureyri handboltafélag skrifarÞakkir til Samherja fyrir ómetanlegan styrkSamherji hf. boðaði til móttöku í KA-heimilinu í gær og afhenti við það tækifæri styrki til ýmissa samfélagsverkefna, samtals upp á ríflega 80 milljónir króna. Stærstur hluti styrkjanna er veittur til íþrótta og æskulýðsstarfs á starfssvæði félagsins en auk þess er Samherji áfram einn helsti stuðningsaðili Íþróttasambands fatlaðra vegna Special Olympics.
Endurhæfingadeild Sjúkrahússins á Akureyri í Kristnesi fékk veglega upphæð til kaupa á tækjum og búnaði auk þess sem Jóhann Þór Hólmgrímsson, 19 ára gamall hreyfihamlaður Akureyringur hlaut 500.000 kr styrk en hann verður meðal keppenda á vetrarólympíumóti fatlaðra í Sochi í Rússlandi í febrúar á næsta ári.
Þetta er sjötta árið í röð sem Samherji afhendir slíka styrki.
Helga Steinunn Guðmundsdóttir kynnti styrkúthlutanirnar
Akureyri Handboltafélag er eitt þeirra fjölmörgu félaga sem nýtur góðs af þessum höfðinglega styrk Samherja og viljum við þakka Samherjafólki fyrir ómetanlegan stuðning við Akureyri handboltafélag í gegnum tíðina. Takk kærlega fyrir okkur.
Allur hópurinn við athöfnina í gær. Myndir Skapti Hallgrímsson
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu