Sverre er leikmaður nr 14 hjá Grosswallstadt
| | 30. apríl 2014 - Akureyri handboltafélag skrifarSverre Andreas Jakobsson til AkureyrarNú er komið á hreint að landsliðsmaðurinn Sverre Andreas Jakobsson gengur til liðs við Akureyri Handboltafélag fyrir komandi tímabil. Sverre kemur inn í þjálfarateymið með Heimi Erni Árnasyni og verður jafnframt leikmaður liðsins. Þetta eru frábærar fréttir fyrir alla handboltaunnendur á Akureyri enda Sverre leikmaður á heimsmælikvarða.
Þetta hefur legið í loftinum undanfarið, nú er loksins búið að hnýta alla enda og samkomulagið staðfest en Sverre gerir tveggja ára samning við Akureyri Handboltafélag að þessu sinni.
Sverre leikur sem stendur með Grosswallstadt í þýsku 2. deildinni og hefur í nógu að snúast þar, því einmitt í kvöld lék liðið gegn toppliði deildarinnar, Friesenheim og lauk æsispennandi leik með jafntefli 25-25.
Sverre er vinsæll hjá Grosswallstadt eins og sést á auglýsingunni fyrir Friesenheim-leikinn í dag
Sverre hefur leikið með Grosswallstadt síðan árið 2009 en ferilinn hóf hann hér á Akureyri þar sem hann lék upp alla yngri flokkana með KA og varð bikar- og Íslandsmeistari með meistaraflokki félagsins.
Eins og allir áhugamenn um handbolta vita hefur Sverre verið lykilmaður í vörn Íslenska landsliðsins um árabil og verið þátttakandi í fjölmörgum stórafrekum liðsins. Samkvæmt tölfræði á vef HSÍ hefur Sverre leikið 163 A-landsleiki og skorað í þeim 27 mörk. Eins og áður segir hefur Sverre einkum verið í varnarhlutverkinu með landsliðinu og gengið þar vasklega fram, fengið 95 gul spjöld, 121 brottvísun og 5 rauð spjöld.
Við bjóðum Sverre velkominn í hóp Akureyrar Handboltafélags og þarf ekki að hafa mörg orð um hve frábært það er þegar slíkir reynsluboltar snúa aftur heim og miðla ungum og upprennandi leikmönnum af reynslu sinni. Meira um Sverre hér á síðunni á næstunni. |
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu