Hamrarnir sigruðu KR í gær

Hamrarnir gerðu sér lítið fyrir og sigruðu KR á útivelli í gærkvöldi. Þetta var fimmti sigur Hamranna í deildinni og í annað sinn sem þeir leggja KR að velli.
Nokkrar breytingar hafa orðið á leikmannahópi Hamranna, Heimir Örn Árnason farinn yfir til Akureyrar en á móti fór Jón Heiðar Sigurðsson yfir til Hamranna og lét heldur betur til sín taka með 8 mörk í gærkvöldi.

Hamrarnir réðu öllu á vellinum í fyrri hálfleik, markvarslan frábær enda höfðu þeir átta marka forystu 7-15 í hálfleik. KR kom reyndar til baka í seinni hálfleik. KR tók tvo leikmenn Hamranna úr umferð í sókninni og gekk illa að koma skotum á KR markið.
KR var með boltann þegar hálf mínúta var til leiksloka, Hamrarnir tóku öflugustu skyttu KR úr umferð og skilaði það sér þar sem Bernharð, markmaður Hamrana varði skotið og tryggði Hömrunum eins marks sigur, 26-27.

Bernharð var dýrmætur á lokasekúndum leiksins

Mörk Hamranna: Jón Heiðar Sigurðsson 8, Birkir Guðlaugsson 4, Arnór Þorri Þorsteinsson 3, Arnþór Gylfi Finnsson 3, Kristján Már Sigurbjörnsson 3, Patrekur Stefánsson 3, Baldur Halldórsson, Róbert Sigurðsson og Valdimar Þengilsson 1 mark hver.

Í dag eiga Hamrarnir síðan leik við topplið Gróttu á Seltjarnarnesinu.

Á vefnum fimmeinn.is eru viðtöl við þjálfara liðanna.

Elías Már: Ég er bara mjög ánægður með tvö stig

Elías Már Halldórsson, þjálfari Hamrana, var mjög ánægður með að taka tvö stig gegn KR í kvöld. Hann sagði liðið hafa spilað mjög vel en að strákarnir hafi verið klaufar í seinni hálfleiknum og hleypt KR inn í leikinn. Hann sagðist sáttur með að missa forystuna frá sér fyrst þetta slapp í lokin.

Kristján Svan: Ég hélt að menn væru tilbúnir fyrir þennan leik

Kristján Svan Kristjánsson, þjálfari KR, var að vonum svekktur eftir eins marks tap gegn Hömrunum í kvöld. Kristján sagði það klisju að segja að menn hafi ekki mætt til leiks en þannig hafi það þó verið. Hann sagðiað liðið gæti ekki unnið leik ef það ætlaði bara að spila einn hálfleik en taka frí í hinum.

Hér er hægt að skoða stöðuna í 1. deild karla.

Fletta milli frétta

Til baka

Senda á Facebook

Efst á síðu

Umsjón og hönnun:
Stefán Jóhannsson og Ágúst Stefánsson