2. flokkur: Þriggja marka sigur á Stjörnunni í dag

Fréttir

Þú flettir milli frétta með örvalyklunum eða smellir á bláu örvarnar!


Benni og Arnar stóðu vaktina í markinu		6. apríl 2015 - Akureyri handboltafélag skrifar 2. flokkur: Þriggja marka sigur á Stjörnunni í dag Strákarnir í 2. flokki tóku á móti Stjörnunni í dag og var nokkuð ljóst strax í upphafi að þeir ætluðu sér bæði stigin úr leiknum. Þeir náðu fljótt fjögurra marka forystu, 6-2 en Stjarnan minnkaði það í eitt mark. Flottur endasprettur Akureyrar skilað svo fimm marka mun í hálfleik, 17-12. Í seinni hálfleik náði Akureyri mest sex marka forskoti 22-16 og leikurinn í öruggum höndum. Strákarnir sýndu reyndar smá einbeitingarleysi á lokamínútunum og Stjarnan minnkaði muninn, lokatölur 30-27 fyrir Akureyri. Mörk Akureyrar: Arnþór Þorri Þorsteinsson 7, Kristján Már Sigurbjörnsson 7, Arnþór Finnsson 4, Birkir Guðlaugsson 3, Heimir Pálsson 3, Róbert Sigurðsson 3, Benedikt Línberg 2, Einar Jónsson 1 mark. Bernharð Jónsson stóð í markinu í fyrri hálfleik og Arnar Fylkisson í þeim seinni og stóðu sig báðir með ágætum. Arnór Þorri var atkvæðamikill í dag Kristján Már átti einnig fínan leik Akureyrarliðið hafnar því í 2. sæti í 2. deild og fer áfram í úrslitakeppnina þar sem strákarnir mæta liði FH/ÍH í átta liða úrslitunum. Þar verður bara einn leikur og verður hann í Kaplakrika, leikdagurinn er ekki ákveðinn.
Fletta milli frétta	Til baka Senda á Facebook