Valdi að skora fyrir Akureyri í leik gegn Stjörnunni
| | 7. apríl 2015 - Akureyri handboltafélag skrifarÞorvaldur „afi“ Þorvaldsson spáir í úrslitakeppninaÍ kvöld klukkan 19:30 hefst úrslitakeppnin með leik ÍR og Akureyrar í Austurbergi og við höldum áfram að fá kunna handboltamenn til að spá í spilin. Þorvaldur Þorvaldsson er ótrúleg kempa en hann lék lengi með KA og er þriðji leikjahæsti leikmaður félagsins í handbolta. Einnig lék kappinn með liði Þórs og svo að sjálfsögðu með hinu sameinaða liði Akureyrar.
Valdi er meðal annars elsti leikmaðurinn til að spila fyrir hönd Akureyrar og var kallaður afi til margra ára meðal samspilara. Valdi er með gríðarlega reynslu af úrslitakeppnum og varð meðal annars Íslandsmeistari með KA árið 1997, við skulum sjá hvernig úrslitakeppnin lítur út fyrir kappanum.
Valur – Fram: 2-0
Valsmenn fara létt með þetta einvígi. Þeir eru einfaldlega með besta liðið og verða ekki í vandræðum með Fram!
Afturelding – ÍBV: 2-0
Afturelding er með hörkulið og Eyjamenn eru komnir með sinn titil í vetur. Ég reikna með að þetta verði hörkuleikir en á von á því að Afturelding nái að klára þetta í tveimum leikjum.
ÍR – Akureyri: 1-2
Hef fulla trú á Akureyri í þessari rimmu, ef Akureyri nær að stoppa Bjögga og spila klassa vörn þá vinna þeir þetta einvígi þó líklega í oddaleik.
FH – Haukar: 2-1
Þetta verða hörkuleikir í Hafnarfirði, norðlendingarnir í FH taka þetta eftir mikla spennu. Ási verður með stórleiki í þessari rimmu og klárar dæmið fyrir FH.
Ófáir safnarar eiga þetta spjald af okkar manni frá tímabilinu 1994-1995
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu