2. flokkur: Hetjuleg barátta gegn toppliðinu - Akureyri Handboltafélag

Fréttir - Úrslit - Næstu leikir - Deildin

Fréttir

Þú flettir milli frétta með örvalyklunum eða smellir á bláu örvarnar!


Arnór og félagar voru ótrúlega stutt frá sæti í undanúrslitunum		19. apríl 2015 - Akureyri handboltafélag skrifar 2. flokkur: Hetjuleg barátta gegn toppliðinu Nú á dögunum lék 2. flokkur Akureyrar við FH í 8-liða úrslitum Íslandsmótsins. Fyrirfram var búist við gríðarlega erfiðum leik enda höfðu FH strákarnir farið með sigur af hólmi í deildarkeppninni á meðan Akureyri hafði náð 2. sæti í 2. deildinni, auk þess átti FH heimaleikinn. Okkar strákar mættu hinsvegar ákaflega vel stemmdir til leiks og léku líklega sinn besta leik á tímabilinu. Brynjar Hólm Grétarsson stórskytta sem leikið hefur með meistaraflokki eftir að hafa komið til baka eftir meiðsli meiddist snemma í leiknum og gæti verið brotinn aftur. Þrátt fyrir þetta héldu strákarnir áfram að leika vel og þegar flautað var til hálfleiks var staðan 12-15 fyrir Akureyri. Síðari hálfleikurinn var svo æsispennandi og erfitt að sjá hvort liðið var Deildarmeistari og hvort liðið kom úr 2. deildinni. Gæfan var síðan ekki okkar strákum hliðstæð á lokamínútunum og svo fór að FH sigraði með einu marki, 23-22. Svekkjandi að tapa leiknum en þrátt fyrir það mjög jákvætt að strákarnir hafi spilað svona vel og við getum beðið spennt eftir því að sjá 2. flokkinn hefja leik aftur á næsta tímabili. Nokkrir leikmenn fengu tækifæri með meistaraflokk liðsins í vetur og vonandi að framtíðin sé björt hjá Akureyri.
Fletta milli frétta	Til baka Senda á Facebook

Umsjón og hönnun:
Stefán Jóhannsson og Ágúst Stefánsson

web counter