Sverre var býsna sáttur með mótið þó Akureyri ynni ekki sigra
| | 1. september 2015 - Akureyri handboltafélag skrifarOpna Norðlenska 2015 afstaðiðOpna Norðlenska mótinu 2015 lauk á laugardaginn. Úrslit leikja urðu sem hér segir:
UMFA - Grótta 28-25
Akureyri - Fram 25-26
UMFA - Fram 28-25
Akureyri - Grótta 31-32
Fram - Grótta 28-28
Akureyri - UMFA 21-24.
Afturelding er því sigurvegari mótsins með fullt hús stiga, 6 stig.
Grótta og Fram urðu jöfn að stigum með 3 stig en Akureyri rak lestina með 0 stig.
Heimir Örn Árnason og Sigurður Hjörtur Þrastarson önnuðust alla dómgæslu á mótinu og stóðu sig með glæsibrag.
Á laugardagskvöldið hittust liðin í dýrindis grillveislu nema hvað Gróttumenn drifu sig heim strax að loknum síðasta leik og misstu fyrir vikið af skemmtuninni. Menn tóku hraustlega til matar síns og hurfu ófá kíló af lamba- og grísakjöti ofan í menn með viðeigandi meðlæti.
Að vanda voru veittar viðurkenningar til leikmanna sem þóttu skara framúr:
Besti markvörður: Tomas Olason, Akureyri
Besti varnarmaður: Pétur Júníusson, Aftureldingu
Besti sóknarmaður: Þorgrímur Smári Ólafsson, Fram
Besti leikmaður mótsins: Böðvar Páll Ásgeirsson, Aftureldingu
Liðin buðu upp á skemmtiatriði sem fengu magnaðar viðtökur. Aftureldingarmenn sögðu óborganlegar lífsreynslusögur úr sínum herbúðum, Fram sýndi afar metnaðarfullt myndband þar sem leikmenn og þjálfarar liðsins túlkuðu nýjasta lag Páls Óskars á athyglisverðan hátt. Því miður var tæknin aðeins að stríða Frömurum en myndbandið frábært. Hreiðar Levý sló síðan botninn í skemmtiatriðin með mögnuðum töfrabrögðum og hreppti Akureyri fyrir vikið viðurkenninguna fyrir skemmtiatriðin.Jón Óskar Ísleifsson sendi okkur nokkrar myndir frá lokadegi mótsins. 
Aftureldingarmenn sækja að Patreki Stefánssyni leikmanni Akureyrar
Þjálfarar liðanna völdu bestu menn mótsins. Hér stinga Guðlaugur og Sverre saman nefjum
|
Fréttir 
Þú flettir milli frétta með örvalyklunum eða smellir á bláu örvarnar!
Efst á síðu