Guðmundur Hólmar í EM hópnum

Fréttir

Þú flettir milli frétta með örvalyklunum eða smellir á bláu örvarnar!


Guðmundur Hólmar hefur farið mikinn með landsliðinu að undanförnu		12. janúar 2016 - Akureyri handboltafélag skrifar Guðmundur Hólmar í EM hópnum Í dag tilkynnti Aron Kristjánsson landsliðsþjálfari hvaða 17 leikmenn fara á EM í handbolta sem fer fram í Póllandi næstu daga. Hreiðar Levý Guðmundsson markvörður okkar er ekki með að þessu sinni en hann er að glíma við meiðsli og gat því lítið beitt sér í undirbúningnum fyrir mótið. Í hópnum er hinsvegar Guðmundur Hólmar Helgason sem við þekkjum að sjálfsögðu vel enda uppalinn hér fyrir norðan og lék hann 112 leiki fyrir Akureyri Handboltafélag áður en hann gekk til liðs við Val. Gummi hefur verið að koma ákaflega sterkur inn í landsliðið að undanförnu og á sætið svo sannarlega skilið. Guðmundur Hólmar Helgason skoraði sín fyrstu mörk fyrir íslenska landsliðið í handbolta þegar liðið sigraði ríkjandi Heims-, Evrópu og Ólympíumeistara Frakka 25-23 í Gulldeildinni í Noregi þann 7. nóvember 2015. Fleiri kunnugleg andlit eru í hópnum en Arnór Atlason og Guðjón Valur Sigurðsson sem léku með KA á árum áður eru í hópnum og einnig Arnór Þór Gunnarsson sem lék með Þór. Við óskum þeim öllum til hamingju með valið sem og góðs gengis en fyrsti leikur landsliðsins er á föstudaginn gegn Noregi.
Fletta milli frétta	Til baka Senda á Facebook